Beste Ald Boys en Boysinne,
De Ald Boysjaorvergadering steit weer veur de deur op zaoterdaag 19 december 2026, klokslaag 17.00 oor, in ôs Kluphoés.
De notule van de vergadering van zaoterdaag 20 december 2025 a.d. zien al in ôch bezit en d’n agenda zal ôch tiedes de vergadering waere oetgelag door ôzze sikkertaris. Ut finansjieel jaorverslaag wuert door de penningmeister oët de deuk gedaon en de veurzitter zal de vergadering veurgaon zoë wie geej det gewind ziët: zakelik, kort en krachtig op waeg nao de mossele.
Vaerdere agendapunte zién, NOTULE 2025, DE INGEKÔMME STÖKKE baove de 40 jaor / BELEID VEUR DE KÔMMENDE JAORE / HERVERKEZING BESTEUR: VEURZITTER, PENNINGMEISTER EN SIKKERTARIS / HERDINKING BOYSLAEJE DIE ÔS DIT JAOR ZIEN ÔNTVALLE / FÊTERE JUBILARISSE / RÔNDVRAOG / SLOETING.
Det is alweer unne stevige agenda, maar det is now einmaol nuedig um un good dreijende vereiniging te bliéve.
Geej begriép alzoé det ut belangriek is d’r op tiéd te zién en och good veur te bereide.
De beejdrage veur ut bikke en de klepkes is door ut besteur vasgesteld op 30 EURO, kontant te voldoon véúr aanvang van de vergadering. Of geej môt beejschokke, hangk, wie immer, van och eige gedraag aaf)!!!
OPGAEVE VEUR DEES VERGADERING KIN WIÉS MAONDAAG 14 DECEMBER 2026, 24.00 oor,
op e-mail loek.felice@gmail.com, ônder vermelding van
# ôche naam
# of geej mossele wins te nuttige of neet en, neet vergaete
# de raeje van ôch kôms!!! (en gen gezeiver, bin gewoén ierlik)
Veur now hertelikke groéte en wiés dan dan!
Names ut voltallige besteur, ôche veurzitter,
Loek Ewalds